Page 16 - CTT CA Buyer Seller Guide 2021_Armenian_Flipbook
P. 16
Ի՞ՆՉ Է ՆԱԽՆԱԿԱՆ ԶԵԿՈՒՅՑԸ:
ՉԻԿԱԳՈ ԹԱՅԹԼ ԿԱԼԻՖՈՌՆԻԱ ԳՆՈՐԴԻ ԵՎ ՎԱՃԱՌՈՂԻ ՈՒՂԵՑՈՒՅՑ
Չիկագո Թայթլի նախնական զեկույցը նշված բացառություններին ենթակա հողի նկատմամբ շահի կամ կոնկրետ գույքի սեփականության իրավունքի ապահովագրության վկայագրի թողարկման առաջարկ է:
Քանի որ այս բացառությունները կոնկրետ կետերի մասին են, որոնց մասին հանրային գրառումներ կան, որոնք ազդում են գույքի սեփականության իրավունքի վրա, կարեւոր է, որ բոլոր կողմերը վերանայեն զեկույցը, հենց որ այն ստանում են:
Նախնական զեկույցը դեպքերի շարք է ներառում, որոնք կցուցադրվեն որպես հողի նկատմամբ շահի կամ կոնկրետ գույքի սեփականության իրավունքի ապահովագրության նշանակված վկայագրի փաթեթի բացառություններ: Նպատակն է՝ տալ նախնական պատասխան սեփականության իրավունքի ապահովագրության դիմումին եւ հեշտացնել պահանջվող վկայագրի թողարկումը:
Նախնական զեկույցը նշում է, որ դրա ստեղծման միակ նպատակը սեփականության իրավունքի ապահովագրության վկայագրի հաջորդական թողարկման գործընթացի հեշտացումն է, եւ
որ ապահովագրողը ոչ մի պատասխանատվություն չի կրում զեկույցում առկա սխալների համար: Հետեւաբար, սեփականության
վկայագրի թերությունից ծագող ապահովագրական փոխհատուցման վճարի ցանկացած պահանջ պետք է ներկայացվի՝ սեփականության իրավունքի ապահովագրության վկայագրի համաձայն, այլ ոչ թե նախնական զեկույցի:
Եթե սեփականության իրավունքի ապահովագրության վկայագիր ստանալու նպատակ չկա, նախնական զեկույց չպետք է պատվիրել: Փոխարենը նկատի պետք է առնվի գույքի համառոտ նկարագիր կամ տիտղոսային իրավունքի այլ նման փաստաթուղթ պահանջելը:
Այն բանից հետո, երբ պատվերը տեղադրվում է, տվյալ գույքի սեփականության իրավունքի ապահովագրության վկայագրին առնչվող դեպքերը հավաքվում են սեփականության իրավունքի որոնման փաթեթում եւ քննվում հմուտ տեխնիկական մասնագետների կողմից: Սա այն ժամանակ է, երբ նախնական զեկույցը պատրաստվում եւ ուղարկվում է հաճախորդին: Զեկույցը ներառում է համապատասխան տեղեկատվություն, այսպիսով գործարքի կողմերը կտեղեկանան այն դեպքերի մասին, որոնք չեն ապահովագրվի ընկերության կողմից: Սույն զեկույցը թողարկվում է սեփականության իրավունքի ապահովագրության վկայագրից առաջ, այդ իսկ պատճառով անվանվում է նախնական զեկույց:
16
